Dis amptelik! AFRIKAANS IS GROOT – DIE KONSERT is terug en die land gaan behoorlik gons.

Na afloop van die ongekende sukses in 2012 waartydens 28 000 mense die AIG-konserte bygewoon het en die DVD-uitreiking dubbel-platinum status behaal het, kan julle uitsien na ‘n skouspelagtige produksie wanneer AFRIKAANS IS GROOT op 6, 7 ,11, 12, 13 en 14 September 2013 in Pretoria se Moreleta Park Ouditorium en op 15, 16 November by Kaapstad se Grand West Arena aangebied word.

As jy gedink het verlede jaar se konsert sgroot was, kan jy jouself voorberei op ‘n epiese musiekervaring later vanjaar.

Al jou gunsteling sangers kan gesien word - Steve Hofmeyr, Juanita du Plessis, Theuns Jordaan, Bobby van Jaarsveld, Bok van Blerk, Riana Nel, Lianie May, Jay, Jannie Moolman, Robbie Wessels, Karlien van Jaarsveld, Jak de Priester en Arno Jordaan. Daar is ook heelwat verrassings, so hou die pers dop vir besonderhede.

Hierdie jaar maak AFRIKAANS IS GROOT ‘n Kaapse draai met twee vertonings op 15 en 16 November by Grand West Arena.
Geesdriftiges kan uitsien na twee konserte van pure betowering en uitstekende optredes deur Suid Afrika se top Afrikaanse-sangers.
Kaartjiepryse wissel van R150 tot R450 en beskikbaar op www.pnptickets.co.za

Meer inligting loer gerus op Afrikaans is Groot web blad.